ನಾಮಪದ ಪ್ರಕರಣ

• ಪದ ಎಂದರೆ - ಮೂಲರೂಪ ಪ್ರಕೃತಿಯೊಂದಕ್ಕೆ ಪ್ರತ್ಯಯ ಹತ್ತಿದ ರೂಪ.
• ನಾಮಪ್ರಕೃತಿ ಎಂದರೆ - ನಾಮಪದದ ಮೂಲರೂಪವಾಗಿಯೂ, ಕ್ರಿಯೆಯ ಅರ್ಥವನ್ನು ಕೊಡದೆಯೂ ಇರುವ ಶಬ್ದ.
• ನಾಮಪ್ರಕೃತಿಗಳಿಗೆ ಇರುವ ಮತ್ತೊಂದು ಹೆಸರು - ಪ್ರಾತಿಪದಿಕಗಳು.
• ನಾಮಪ್ರಕೃತಿಗೆ ಕೆಲವು ಉದಾಹರಣೆಗಳು - ಮರ, ನೆಲ, ಹುಡುಗ, ಮಂಚ, ಕಟ್ಟಿಗೆ ಇತ್ಯಾದಿ.
• ನಾಮಪ್ರಕೃತಿಗಳಿಗೆ ನಾಮವಿಭಕ್ತಿ ಪ್ರತ್ಯಯಗಳು ಸೇರಿದರೆ ಅದು - ನಾಮಪದ.
• ವಿಭಕ್ತಿ ಪ್ರತ್ಯಯಗಳು ಎಂದರೆ - ಸ್ವತಂತ್ರವಾಗಿ ಅರ್ಥವಿಲ್ಲದೆ, ನಾಮಪ್ರಕೃತಿಗಳ ಮುಂದೆ ಸೇರಿ, ಬೇರೆ ಬೇರೆ ಅರ್ಥವನ್ನು ಉಂಟುಮಾಡುವ ಉ, ಅನ್ನು, ಇಂದ, ಗೆ, ಅಲ್ಲಿ ಮುಂತಾದವುಗಳು.
• 'ಹುಡುಗನು' ಈ ನಾಮಪದದಲ್ಲಿರುವ ನಾಮಪ್ರಕೃತಿ - ಹುಡುಗ.
• 'ಹುಡುಗನು' ಈ ನಾಮಪದದಲ್ಲಿರುವ ನಾಮವಿಭಕ್ತಿಪ್ರತ್ಯಯ - ಉ.
• 'ತಂದೆಯೇ' ಈ ನಾಮಪದದಲ್ಲಿರುವ ನಾಮಪ್ರಕೃತಿ - ತಂದೆ.
• 'ತಂದೆಯೇ' ಈ ನಾಮಪದದಲ್ಲಿರುವ ನಾಮವಿಭಕ್ತಿಪ್ರತ್ಯಯ - ಏ.
• 'ರಾಮಾ' ಈ ನಾಮಪದದಲ್ಲಿರುವ ನಾಮಪ್ರಕೃತಿ - ರಾಮ.
• 'ರಾಮಾ' ಈ ನಾಮಪದದಲ್ಲಿರುವ ನಾಮವಿಭಕ್ತಿಪ್ರತ್ಯಯ - ಆ.
• 'ತಾಯಿಯಲ್ಲಿ' ಈ ನಾಮಪದದಲ್ಲಿರುವ ನಾಮಪ್ರಕೃತಿ - ತಾಯಿ.
• 'ತಾಯಿಯಲ್ಲಿ' ಈ ನಾಮಪದದಲ್ಲಿರುವ ನಾಮವಿಭಕ್ತಿಪ್ರತ್ಯಯ - ಅಲ್ಲಿ.
• 'ಬಟ್ಟೆಯಿಂದ' ಈ ನಾಮಪದದಲ್ಲಿರುವ ನಾಮಪ್ರಕೃತಿ - ಬಟ್ಟೆ.
• 'ಬಟ್ಟೆಯಿಂದ' ಈ ನಾಮಪದದಲ್ಲಿರುವ ನಾಮವಿಭಕ್ತಿಪ್ರತ್ಯಯ - ಇಂದ.
• 'ಅಕ್ಕನ' ಈ ನಾಮಪದದಲ್ಲಿರುವ ನಾಮಪ್ರಕೃತಿ - ಅಕ್ಕ.
• 'ಅಕ್ಕನ' ಈ ನಾಮಪದದಲ್ಲಿರುವ ನಾಮವಿಭಕ್ತಿಪ್ರತ್ಯಯ - ಅ.
• 'ಮಂಚವನ್ನು' ಈ ನಾಮಪದದಲ್ಲಿರುವ ನಾಮಪ್ರಕೃತಿ - ಮಂಚ.
• 'ಮಂಚವನ್ನು' ಈ ನಾಮಪದದಲ್ಲಿರುವ ನಾಮವಿಭಕ್ತಿಪ್ರತ್ಯಯ - ಅನ್ನು.
• ನಾಮಪ್ರಕೃತಿಗಳಲ್ಲಿರುವ ಎರಡು ವಿಧಗಳು - ಸಹಜ ನಾಮಪ್ರಕೃತಿಗಳು ಮತ್ತು ಸಾಧಿತ (ನಿಷ್ಪನ್ನ) ನಾಮಪ್ರಕೃತಿಗಳು.
• ಸಹಜ ನಾಮಪ್ರಕೃತಿಗಳಲ್ಲಿ ಕಂಡುಬರುವ ಪ್ರಮುಖ ಗುಂಪುಗಳು - ವಸ್ತುವಾಚಕಗಳು, ಗುಣವಾಚಕಗಳು, ಸಂಖ್ಯಾವಾಚಕಗಳು, ಸಂಖ್ಯೆಯವಾಚಕಗಳು, ಭಾವನಾಮಗಳು, ಪರಿಮಾಣವಾಚಕಗಳು, ಪ್ರಕಾರವಾಚಕಗಳು, ದಿಗ್ವಾಚಕಗಳು, ಸರ್ವನಾಮಗಳು ಮುಂತಾದವು.
• ವಸ್ತುವಾಚಕ ಎಂದರೆ - ವಸ್ತುಗಳ ಹೆಸರನ್ನು ಹೇಳುವ ಶಬ್ದಗಳು.
• ವಸ್ತುವಾಚಕಗಳಿಗೆ ಉದಾಹರಣೆಗಳೆಂದರೆ - ಮನುಷ್ಯ, ಕೃಷ್ಣ, ನಾಯಿ, ಕಲ್ಲು, ಮರ, ಹಣ್ಣು ಮುಂತಾದವು.
• ವಸ್ತುವಾಚಕಗಳನ್ನು ಮೂರು ವಿಧಗಳಾಗಿ ವಿಂಗಡಿಸಲಾಗಿದೆ. ಅವುಗಳು - ರೂಢನಾಮ, ಅಂಕಿತನಾಮ ಮತ್ತು ಅನ್ವರ್ಥನಾಮ.
• ರೂಢನಾಮ ಎಂದರೆ - ರೂಢಿಯಿಂದ ಬಂದ ಸಾಮಾನ್ಯವಾಚಕಗಳು.
• ರೂಢನಾಮಗಳಿಗೆ ಉದಾಹರಣೆಗಳು - ನದಿ, ಪರ್ವತ, ಪಟ್ಟಣ, ಮನುಷ್ಯ, ದೇಶ ಇತ್ಯಾದಿ.
• ಅಂಕಿತನಾಮ ಎಂದರೆ - ವ್ಯವಹಾರದ ಉಪಯೋಗಕ್ಕೆ ಇಟ್ಟುಕೊಂಡ ಹೆಸರುಗಳು.
• ಅಂಕಿತನಾಮಗಳಿಗೆ ಉದಾಹರಣೆಗಳು - ಗಂಗಾ, ಹಿಮಾಲಯ, ರಾಮ, ಭಾರತ, ಬೆಂಗಳೂರು ಇತ್ಯಾದಿ.
• ಅನ್ವರ್ಥನಾಮ ಎಂದರೆ - ಅರ್ಥಕ್ಕೆ ಅನುಗುಣವಾಗಿ ಇಟ್ಟ ಹೆಸರುಗಳು.
• ಅನ್ವರ್ಥನಾಮಗಳಿಗೆ ಉದಾಹರಣೆಗಳು - ಕುಂಟ, ಕುರುಡ, ವ್ಯಾಪಾರಿ, ವಿದ್ವಾಂಸ, ರೋಗಿ ಇತ್ಯಾದಿ.
• ಗುಣವಾಚಕಗಳು ಎಂದರೆ - ವಸ್ತುಗಳ ಗುಣ, ರೀತಿ, ಸ್ವಭಾವಗಳನ್ನು ತಿಳಿಸುವ ವಿಶೇಷಣಗಳು.
• ಗುಣವಾಚಕಗಳಿಗೆ ಉದಾಹರಣೆಗಳು - ದೊಡ್ಡ, ಒಳ್ಳೆಯ, ಕರಿಯ, ಹಳೆಯ, ಹೊಸದು ಇತ್ಯಾದಿ.
• ಸಂಖ್ಯಾವಾಚಕಗಳು ಎಂದರೆ - ಸಂಖ್ಯೆಯನ್ನು ಹೇಳುವ ಶಬ್ದಗಳು.
• ಸಂಖ್ಯಾವಾಚಕಗಳಿಗೆ ಉದಾಹರಣೆಗಳು - ಒಂದು, ಎರಡು, ಮೂರು, ಹತ್ತು, ಸಾವಿರ, ಲಕ್ಷ ಇತ್ಯಾದಿ.
• ಸಂಖ್ಯೆಯವಾಚಕಗಳು ಎಂದರೆ - ಸಂಖ್ಯೆಯಿಂದ ಕೂಡಿದ ವಸ್ತುಗಳನ್ನು ಹೇಳುವ ಶಬ್ದಗಳು.
• ಸಂಖ್ಯೆಯವಾಚಕಗಳಿಗೆ ಉದಾಹರಣೆಗಳು - ಮೂವರು, ನಾಲ್ವರು, ಐವರು, ಒಂದನೆಯ, ಎರಡನೆಯ, ಮೂರನೆಯ ಇತ್ಯಾದಿ.
• ಭಾವನಾಮಗಳು ಎಂದರೆ - ವಸ್ತುಗಳ ಮತ್ತು ಕ್ರಿಯೆಯ ಭಾವವನ್ನು ತಿಳಿಸುವ ಶಬ್ದಗಳು.
• ಭಾವನಾಮಗಳಿಗೆ ಉದಾಹರಣೆಗಳು - ಬಿಳುಪು, ಕಪ್ಪು, ಹಿರಿಮೆ, ನೋಟ, ಮಾಟ ಇತ್ಯಾದಿ.
• ಪರಿಮಾಣವಾಚಕಗಳು ಎಂದರೆ - ವಸ್ತುಗಳ ಸಾಮಾನ್ಯ ಅಳತೆ, ಪರಿಮಾಣ, ಗಾತ್ರ ಇತ್ಯಾದಿಗಳನ್ನು ಹೇಳುವ ಶಬ್ದಗಳು.
• ಪರಿಮಾಣವಾಚಕಗಳಿಗೆ ಉದಾಹರಣೆಗಳು - ಅಷ್ಟು, ಇಷ್ಟು, ಹಲವು, ಕೆಲವು, ಇನಿತು ಇತ್ಯಾದಿ.
• ಪ್ರಕಾರವಾಚಕಗಳು ಎಂದರೆ - ವಸ್ತುಗಳ ಸ್ಥಿತಿ ಅಥವಾ ರೀತಿಗಳನ್ನು ತಿಳಿಸುವ ಶಬ್ದಗಳು.
• ಪ್ರಕಾರವಾಚಕಗಳಿಗೆ ಉದಾಹರಣೆಗಳು - ಅಂತಹ, ಇಂತಹ, ಅಂತಹನು, ಎಂತಹ ಇತ್ಯಾದಿ.
• ದಿಗ್ವಾಚಕಗಳು ಎಂದರೆ - ದಿಕ್ಕುಗಳ ಹೆಸರನ್ನು ಸೂಚಿಸುವ ಶಬ್ದಗಳು.
• ದಿಗ್ವಾಚಕಗಳಿಗೆ ಉದಾಹರಣೆಗಳು - ಉತ್ತರ, ದಕ್ಷಿಣ, ಅಚೆ, ಈಚೆ, ಮೂಡಲು, ಪಡುವಲು ಇತ್ಯಾದಿ.
• ಸರ್ವನಾಮಗಳು ಎಂದರೆ - ವಸ್ತುವಾಚಕಗಳಾದ ನಾಮಪದಗಳ ಸ್ಥಾನದಲ್ಲಿ ನಿಂತು ಅದನ್ನು ಸೂಚಿಸುವ ಶಬ್ದಗಳು.
• ಸರ್ವನಾಮಗಳಿಗೆ ಉದಾಹರಣೆಗಳು - ಅದು, ಇದು, ತಾನು, ತಾವು, ನೀನು, ನೀವು, ಅವನು, ಯಾವನು, ಯಾವಳು ಇತ್ಯಾದಿ.
• ಸರ್ವನಾಮಗಳನ್ನು ಮೂರು ಭಾಗಗಳಾಗಿ ವಿಂಗಡಿಸಲಾಗಿದ್ದು ಅವುಗಳು - ಪುರುಷಾರ್ಥಕ ಸರ್ವನಾಮಗಳು, ಪ್ರಶ್ನಾರ್ಥಕ ಸರ್ವನಾಮಗಳು ಮತ್ತು ಆತ್ಮಾರ್ಥಕ ಸರ್ವನಾಮಗಳು.
• ಪುರುಷಾರ್ಥಕ ಸರ್ವನಾಮಗಳಿಗೆ ಉದಾಹರಣೆಗಳು - ಉತ್ತಮ ಪುರುಷ ಸರ್ವನಾಮಗಳಾದ ನಾನು-ನಾವು, ಮಧ್ಯಮ ಪುರುಷ ಸರ್ವನಾಮಗಳಾದ ನೀನು-ನೀವು ಮತ್ತು ಪ್ರಥಮ ಪುರುಷ ಸರ್ವನಾಮಗಳಾದ ಅವನು-ಅವರು, ಅವಳು-ಅವರು, ಅದು-ಅವು.
• ಪ್ರಶ್ನಾರ್ಥಕ ಸರ್ವನಾಮಗಳಿಗೆ ಉದಾಹರಣೆಗಳು - ಯಾವುದು, ಏನು, ಯಾವನು, ಯಾವಳು ಇತ್ಯಾದಿ.
• ಆತ್ಮಾರ್ಥಕ ಸರ್ವನಾಮಗಳಿಗೆ ಉದಾಹರಣೆಗಳು - ತಾನು ಮತ್ತು ತಾವು.
• ಲಿಂಗಗಳ ಮೂರು ಪ್ರಮುಖ ಪ್ರಕಾರಗಳು - ಪುಲ್ಲಿಂಗ, ಸ್ತ್ರೀಲಿಂಗ ಮತ್ತು ನಪುಂಸಕಲಿಂಗ.
• ಯಾವ ಶಬ್ದ ಪ್ರಯೋಗ ಮಾಡಿದಾಗ ಗಂಡಸು ಎಂಬ ಅರ್ಥವು ಮನಸ್ಸಿಗೆ ಹೊಳೆಯುವುದೋ ಅದು - ಪುಲ್ಲಿಂಗ.
• ಯಾವ ಶಬ್ದ ಪ್ರಯೋಗ ಮಾಡಿದಾಗ ಹೆಂಗಸು ಎಂಬ ಅರ್ಥವು ಮನಸ್ಸಿಗೆ ಹೊಳೆಯುವುದೋ ಅದು - ಸ್ತ್ರೀಲಿಂಗ.
• ಯಾವ ಶಬ್ದವನ್ನು ಪ್ರಯೋಗ ಮಾಡಿದಾಗ ಹೆಂಗಸು ಗಂಡಸು ಎರಡೂ ಅಲ್ಲದ ಅರ್ಥವು ಮನಸ್ಸಿಗೆ ಹೊಳೆಯುವುದೋ ಅದು - ನಪುಂಸಕಲಿಂಗ.
• ಪುಲ್ಲಿಂಗದಂತೆಯೂ, ನಪುಂಸಕಲಿಂಗದಂತೆಯೂ, ಪ್ರಯೋಗಿಸಲಾಗುವ ಸೂರ್ಯ, ಚಂದ್ರ, ಶನಿ, ಮಂಗಳ ಮುಂತಾದ ಗ್ರಹವಾಚಕ ಶಬ್ದಗಳನ್ನು ಹೀಗೆಂದು ಕರೆಯುತ್ತೇವೆ - ಪುನ್ನಪುಂಸಕಲಿಂಗಗಳು.
• ಸ್ತ್ರೀಲಿಂಗ, ನಪುಂಸಕಲಿಂಗಗಳೆರಡರಲ್ಲೂ ಪ್ರಯೋಗಿಸಲ್ಪಡುವ ಲಕ್ಷ್ಮಿ, ಸರಸ್ವತಿ, ಪಾರ್ವತಿ, ದೇವಿ, ಮುಂತಾದ ದೇವತಾವಾಚಕ ಶಬ್ದಗಳನ್ನು ಹೀಗೆಂದು ಕರೆಯುವರು - ಸ್ತ್ರೀನಪುಂಸಕಲಿಂಗಗಳು.
• ಯಾವಾಗಲೂ ನಪುಂಸಕಲಿಂಗದಲ್ಲಿಯೇ ಪ್ರಯೋಗಿಸಲ್ಪಡುವ ಶಿಶು, ಜನ, ದಂಡು ಮುಂತಾದ ಶಬ್ದಗಳನ್ನು ಹೀಗೆಂದು ಕರೆಯುವರು - ನಿತ್ಯನಪುಂಸಕಲಿಂಗಗಳು.
• ಪುಲ್ಲಿಂಗ, ಸ್ತ್ರೀಲಿಂಗ, ನಪುಂಸಕಲಿಂಗ ಈ ಮೂರರಲ್ಲೂ ಒಂದೇ ರೀತಿ ಪ್ರಯೋಗಿಸಲ್ಪಡುವ ಶಬ್ದಗಳಿಗೆ ಹೀಗೆಂದು ಹೇಳುವರು - ವಾಚ್ಯಲಿಂಗಗಳು ಅಥವಾ ವಿಶೇಷ್ಯಾಧೀನಲಿಂಗಗಳು.
• ವಾಚ್ಯಲಿಂಗಗಳಿಗೆ ಉದಾಹರಣೆಗಳು - ನಾನು, ನೀನು, ತಾನು, ಹಲವು, ಕೆಲವು, ಒಳ್ಳೆಯ, ಕೆಟ್ಟ, ಬಿಳಿಯ, ಕರಿಯ ಇತ್ಯಾದಿ.
• ವಚನಗಳಲ್ಲಿನ ಎರಡು ವಿಧಗಳು - ಏಕವಚನ ಮತ್ತು ಬಹುವಚನ.
• ಏಕವಚನ ಎಂದರೆ - ಒಂದು ವಸ್ತು ಎಂದು ಹೇಳುವ ಶಬ್ದಗಳು.
• ಬಹುವಚನ ಎಂದರೆ - ಒಂದಕ್ಕಿಂತ ಹೆಚ್ಚು ಎಂದು ಹೇಳುವ ಶಬ್ದಗಳು.
• ವಿಭಕ್ತಿ ಎಂದರೆ - ಕರ್ತೃ, ಕರ್ಮ, ಕರಣ, ಸಂಪ್ರದಾನ, ಅಪಾದಾನ, ಅಧಿಕರಣಾಕಾರಕಾರ್ಥಗಳನ್ನು ವಿಭಾಗಿಸಿಕೊಡುವ ಶಬ್ದರೂಪ.
• ಪ್ರಥಮ ವಿಭಕ್ತಿಯ ಕಾರಕಾರ್ಥ - ಕರ್ತೃರ್ಥ.
• ದ್ವಿತೀಯ ವಿಭಕ್ತಿಯ ಕಾರಕಾರ್ಥ - ಕರ್ಮಾರ್ಥ.
• ತೃತೀಯ ವಿಭಕ್ತಿಯ ಕಾರಕಾರ್ಥ - ಕರಣಾರ್ಥ.
• ಚತುರ್ಥಿ ವಿಭಕ್ತಿಯ ಕಾರಕಾರ್ಥ - ಸಂಪ್ರದಾನ.
• ಪಂಚಮೀ ವಿಭಕ್ತಿಯ ಕಾರಕಾರ್ಥ - ಅಪಾದಾನ.
• ಷಷ್ಠೀ ವಿಭಕ್ತಿಯ ಕಾರಕಾರ್ಥ - ಸಂಬಂಧ.
• ಸಪ್ತಮೀ ವಿಭಕ್ತಿಯ ಕಾರಕಾರ್ಥ - ಅಧಿಕರಣ.
• ಪ್ರಥಮ ವಿಭಕ್ತಿಯ ವಿಭಕ್ತಿ ಪ್ರತ್ಯಯ - ಉ.
• ದ್ವಿತೀಯ ವಿಭಕ್ತಿಯ ವಿಭಕ್ತಿ ಪ್ರತ್ಯಯ - ಅನ್ನು.
• ತೃತೀಯ ವಿಭಕ್ತಿಯ ವಿಭಕ್ತಿ ಪ್ರತ್ಯಯ - ಇಂದ.
• ಚತುರ್ಥಿ ವಿಭಕ್ತಿಯ ವಿಭಕ್ತಿ ಪ್ರತ್ಯಯ - ಗೆ, ಇಗೆ, ಕೈ, ಅಕ್ಕೆ.
• ಪಂಚಮೀ ವಿಭಕ್ತಿಯ ವಿಭಕ್ತಿ ಪ್ರತ್ಯಯ - ದೆಸೆಯಿಂದ.
• ಷಷ್ಠೀ ವಿಭಕ್ತಿಯ ವಿಭಕ್ತಿ ಪ್ರತ್ಯಯ - ಅ.
• ಸಪ್ತಮೀ ವಿಭಕ್ತಿಯ ವಿಭಕ್ತಿ ಪ್ರತ್ಯಯ - ಅಲ್ಲಿ.
• ಪ್ರಥಮಾ ವಿಭಕ್ತಿಯ ಹಳನ್ನಡದ ವಿಭಕ್ತಿ ಪ್ರತ್ಯಯ - ಮ್.
• ದ್ವಿತೀಯಾ ವಿಭಕ್ತಿಯ ಹಳನ್ನಡದ ವಿಭಕ್ತಿ ಪ್ರತ್ಯಯ - ಅಂ.
• ತೃತೀಯಾ ವಿಭಕ್ತಿಯ ಹಳನ್ನಡದ ವಿಭಕ್ತಿ ಪ್ರತ್ಯಯ - ಇಂ, ಇಂದು, ಇಂದೆ.
• ಚತುರ್ಥೀ ವಿಭಕ್ತಿಯ ಹಳನ್ನಡದ ವಿಭಕ್ತಿ ಪ್ರತ್ಯಯ - ಗೆ, ಕೆ, ಕ್ಕೆ.
• ಪಂಚಮೀ ವಿಭಕ್ತಿಯ ಹಳನ್ನಡದ ವಿಭಕ್ತಿ ಪ್ರತ್ಯಯ - ಅತ್ತಣಿಂ, ಅತ್ತಣಿಂದಂ, ಅತ್ತಣಿಂದೆ.
• ಷಷ್ಠೀ ವಿಭಕ್ತಿಯ ಹಳನ್ನಡದ ವಿಭಕ್ತಿ ಪ್ರತ್ಯಯ - ಅ.
• ಸಪ್ತಮೀ ವಿಭಕ್ತಿಯ ಹಳನ್ನಡದ ವಿಭಕ್ತಿ ಪ್ರತ್ಯಯ - ಒಳ್.
• ಸಂಬೋಧನಾ ವಿಭಕ್ತಿಯ ವಿಭಕ್ತಿ ಪ್ರತ್ಯಯ - ಆ, ಏ, ಇರಾ, ಈ.