ಕೃದಂತ ಮತ್ತು ತದ್ಧಿತಾಂತ ಪ್ರಕರಣ

• ನಾಲ್ಕು ವಿಧವಾದ ನಾಮಪ್ರಕೃತಿಗಳು ಇವು - ಸಹಜನಾಮಪ್ರಕೃತಿಗಳು, ಕೃದಂತಗಳು, ತದ್ಧಿತಾಂತಗಳು ಮತ್ತು ಸಮಾಸಗಳು.
• ಧಾತುಗಳಿಗೆ ಕೃತ್ ಪ್ರತ್ಯಯಗಳು ಸೇರಿದರೆ ಅದು - ಕೃದಂತಗಳು.
• ಕೃದಂತಗಳಿಗಿರುವ ಮತ್ತೊಂದು ಹೆಸರು - ಕೃನ್ನಾಮಗಳು.
• ಕೃದಂತಗಳಲ್ಲಿರುವ ಮೂರು ವಿಧಗಳು - ಕೃದಂತನಾಮ, ಕೃದಂತ ಭಾವನಾಮ ಮತ್ತು ಕೃದಂತಾವ್ಯಯ.
• ಕೃದಂತನಾಮಗಳಿಗೆ ಉದಾಹರಣೆಗಳೆಂದರೆ - ಮಾಡಿದ, ಬರೆಯುವ, ತಿನ್ನುವ, ನಡೆಯುವ, ಹೋಗದ ಇತ್ಯಾದಿ.
• ಕೃದಂತ ಭಾವನಾಮಗಳಿಗೆ ಉದಾಹರಣೆಗಳೆಂದರೆ - ಮಾಟ, ತಿನ್ನುವಿಕೆ, ನಡೆತ, ಹೋಗುವಿಕೆ ಇತ್ಯಾದಿ.
• ಕೃದಂತಾವ್ಯಯಗಳಿಗೆ ಉದಾಹರಣೆಗಳೆಂದರೆ - ಮಾಡಿ, ತಿಂದು, ನಡೆಯುತ್ತಾ, ಹೋಗಲು ಇತ್ಯಾದಿ.
• ಧಾತುಗಳ ಮೇಲೆ ಭಾವಾರ್ಥದಲ್ಲಿ ಕೃತ್ ಪ್ರತ್ಯಯಗಳು ಸೇರಿದರೆ ಅದು - ಕೃದಂತಭಾವನಾಮ ಅಥವಾ ಭಾವಕೃದಂತ.
• ಕೃದಂತಾವ್ಯಯಗಳು ಎಂದರೆ - ಧಾತುವಿನಿಂದ ಹುಟ್ಟಿ ಅವ್ಯಯದ ಗುಣವನ್ನು ಪಡೆದಂತಹ ಶಬ್ದ ರೂಪಗಳು.
• ತದ್ಧಿತ ಎಂಬ ಪ್ರತ್ಯಯವನ್ನು ಅಂತ್ಯದಲ್ಲಿ ಉಳ್ಳದ್ದೇ - ತದ್ಧಿತಾಂತ.
• 'ಮೋಸಗಾರ' ಎಂಬ ಪದದಲ್ಲಿರುವ ತದ್ಧಿತ ಪ್ರತ್ಯಯ -ಗಾರ.
• ನಾಮಪದಗಳ ಮೇಲೆ ಹಲವಾರು ಅರ್ಥಗಳಲ್ಲಿ ಗಾರ, ಕಾರ, ಇಗ, ಆಡಿಗೆ, ವಂತ, ವಳ, ಇಕ, ಆಳಿ ಇತ್ಯಾದಿ ಪ್ರತ್ಯಯಗಳು ಸೇರಿದಾಗ ಅದು - ತದ್ಧಿತಾಂತ.
• ತದ್ಧಿತಾಂತಗಳಲ್ಲಿರುವ ಮೂರು ವಿಧಗಳು ಇವು - ತದ್ಧಿತಾಂತ ನಾಮ, ತದ್ಧಿತಾಂತ ಭಾವನಾಮ ಮತ್ತು ತದ್ಧಿತಾಂತಾವ್ಯಯ.
• ತದ್ಧಿತಾಂತ ನಾಮಗಳಿಗೆ ಉದಾಹರಣೆಗಳೆಂದರೆ - ಬಳಗಾರ, ಓಲೆಕಾರ, ಕನ್ನಡಿಗ, ಹಣವಂತ, ಮಡಿವಾಳ, ಹೂವಾಡಿಗ, ಬಿಳಿಕ, ವಾಚಾಳಿ, ಕುಂಬಾರ ಇತ್ಯಾದಿ.
• ತದ್ಧಿತಾಂತ ಭಾವನಾಮ ಉದಾಹರಣೆಗಳೆಂದರೆ - ಬಡತನ, ಜಾಣತನ, ಬ್ರಾಹ್ಮಣಿಕೆ, ಕಿವುಡು, ಬಿಳುಪು, ಜಾಣ್ಮೆ ಇತ್ಯಾದಿ.
• ನಾಮಪದಗಳ ಮುಂದೆ ಅಂತೆ, ಪೂಲ್, ವೋಲು, ತನಕ, ವರೆಗೆ, ಮಟ್ಟಿಗೆ, ಒನ್ನರ, ಇಂತ, ಒಸುಗ, ಆಗಿ ಮುಂತಾದ ಪ್ರತ್ಯಯಗಳು ಸೇರಿದರೆ ಅದು - ತದ್ಧಿತಾಂತಾವ್ಯಯ.
• ತದ್ಧಿತಾಂತಾವ್ಯಯಗಳಿಗೆ ಉದಾಹರಣೆಗಳೆಂದರೆ - ರಾಮನಂತೆ, ಚಂದ್ರನವೊಲು, ಮನೆಯತನಕ, ಊರವರೆಗೆ, ಅವನಮಟ್ಟಿಗೆ, ನಿನಗೋಸ್ಕರ, ನನ್ನ ಸಲುವಾಗಿ, ಇವನಿಗಿಂತ, ನಿನಗಾಗಿ, ರಾಮನಿಗೋಸುಗ ಇತ್ಯಾದಿ.