ಛಂದಸ್ಸು

• 'ಛಂದೋಂಬುಧಿ' ಎಂಬುದು - ಕನ್ನಡ ಛಂದಸ್ಸನ್ನು ತಿಳಿಸುವ ಗ್ರಂಥ.
• 'ಛಂದೋಂಬುಧಿ' ಗ್ರಂಥವನ್ನು ಬರೆದವನು - ಒಂದನೇ ನಾಗವರ್ಮ.
• ಒಂದನೇ ನಾಗವರ್ಮನು ಬರೆದಿರುವ ಮತ್ತೊಂದು ಗ್ರಂಥ - ಕರ್ನಾಟಕ ಕಾದಂಬರಿ.
• ಒಂದನೇ ನಾಗವರ್ಮನ ತಂದೆ ತಾಯಿಯರ ಹೆಸರು - ವೆಣ್ಣಮಯ್ಯ ಮತ್ತು ಹೋಕಳಬ್ಬೆ.
• ಒಂದನೇ ನಾಗವರ್ಮನಿಗಿದ್ದ ಬಿರುದುಗಳು - ಕವಿರಾಜಹಂಸ, ಬುಧಾಬ್ಜವನಕಳಂಸ, ಕಂದಕಂದರ್ಪ.
• ಒಂದನೇ ನಾಗವರ್ಮನ ಆಶ್ರಯದಾತನಾಗಿದ್ದವನು - ಗಂಗರ ಮಂತ್ರಿ ಚಾವುಂಡರಾಯ.
• ಒಂದನೇ ನಾಗವರ್ಮನ ಗುರುಗಳು - ಅಜಿತಸೇನದೇವ.
• ಕನ್ನಡ ಭಾಷೆಯಲ್ಲಿ ಲಭ್ಯವಿರುವ ಗ್ರಂಥಗಳಲ್ಲಿ ಮೊದಲಿನವು - ಪಂಪನ ಆದಿಪುರಾಣ ಮತ್ತು ವಿಕ್ರಮಾರ್ಜುನ ವಿಜಯ.
• ಚಂಪೂಕಾವ್ಯಗಳು ಎಂದರೆ - ಗದ್ಯಪದ್ಯಗಳಿಂದ ಕೂಡಿದ ಕಾವ್ಯಗಳು.
• ಚಂಪೂಕಾವ್ಯಗಳನ್ನು ರಚಿಸಿರುವ ಪ್ರಮುಖ ಕವಿಗಳು - ಪಂಪ, ರನ್ನ, ಜನ್ನ, ಅಭಿನವ ಪಂಪ ಮುಂತಾದವರು.
• ಹರಿಹರೇಶ್ವರನೆಂಬ ಕವಿಯು ಈ ಛಂದಸ್ಸಿನಲ್ಲಿ ಕಾವ್ಯಗಳನ್ನು ರಚಿಸಿದನು - ರಗಳೆಯ ಛಂದಸ್ಸು.
• ರಾಘವಾಂಕನು ಈ ಛಂದಸ್ಸಿನಲ್ಲಿ ಕಾವ್ಯಗಳನ್ನು ರಚಿಸಿದನು - ಷಟ್ಪದಿಗಳ ಛಂದಸ್ಸು.
• ರತ್ನಾಕರವರ್ಣಿಯು ಸಾಂಗತ್ಯವೆಂಬ ದೇಶೀಯ ಛಂದಸ್ಸಿನಲ್ಲಿ ಬರೆದ ಕೃತಿ - ಭರತೇಶ ವೈಭವ.
• ಪದ್ಯಗಳು ಎಂದರೆ - ಒಂದು ಗೊತ್ತಾದ ಸಾಲುಗಳ ನಿಯಮದಿಂದ ಬರೆದವುಗಳು.
• ಪದ್ಯಗಳ ಪ್ರತಿಯೊಂದು ಸಾಲಿನ ಒಂದನೆಯ ಮತ್ತು ಎರಡನೆಯ ಸ್ವರಗಳ ಮಧ್ಯದಲ್ಲಿ ಒಂದೇ ರೀತಿಯ ವ್ಯಂಜನಾಕ್ಷರಗಳು ಬರುವುದಕ್ಕೆ ಹೀಗೆನ್ನುವರು - ಪ್ರಾಸ.
• ಪ್ರಾಸಗಳಲ್ಲಿರುವ ವಿಧಗಳ ಸಂಖ್ಯೆ - ಆರು.
• ಒಂದು ಎರಡನೆಯ ಸ್ವರಗಳ ನಡುವೆ ಒಂದೇ ವಿಧದ ಒಂದು ವ್ಯಂಜನ ಬಂದು ಹಿಂದಿನ ಸ್ವರ ಹ್ರಸ್ವವಾಗಿದ್ದರೆ ಅದು - ಸಿಂಹಪ್ರಾಸ.
• ಒಂದು ಎರಡನೆಯ ಸ್ವರಗಳ ನಡುವೆ ಒಂದೇ ವಿಧದ ಒಂದು ವ್ಯಂಜನ ಬಂದು ಹಿಂದಿನ ಸ್ವರ ದೀರ್ಘವಾಗಿದ್ದರೆ ಅದು - ಗಜಪ್ರಾಸ.
• ಪ್ರಾಸಾಕ್ಷರದ ಹಿಂದೆ ಅನುಸ್ವಾರ (ಅಂ) ಇದ್ದರೆ ಅದು - ವೃಷಭಪ್ರಾಸ.
• ಪ್ರಾಸಾಕ್ಷರದ ಹಿಂದೆ ವಿಸರ್ಗ (ಅಃ) ಇದ್ದರೆ ಅದು - ಅಜಪ್ರಾಸ.
• ಬೇರೆ ಬೇರೆ ಜಾತಿಯ ಎರಡು ಮೂರು ವ್ಯಂಜನಗಳು ಪ್ರಾಸಾಕ್ಷರಗಳಾಗಿದ್ದರೆ ಅದು - ಶರಭಪ್ರಾಸ.
• ಒಂದೇ ಜಾತಿಯ ಎರಡು ವ್ಯಂಜನಗಳು ಪ್ರಾಸಾಕ್ಷರಗಳಾಗಿದ್ದರೆ ಅದು - ಹಯಪ್ರಾಸ.
• ಯತಿ ಎಂದರೆ - ಪದ್ಯಗಳನ್ನು ಓದುವಾಗ ನಿಲ್ಲಿಸುವ ಸ್ಥಳಗಳು.
• ಛಂದಶಾಸ್ತ್ರದಲ್ಲಿ ಗಣ ಎಂದರೆ - ಪದ್ಯದ ಪ್ರತಿಯೊಂದು ಪಾದದಲ್ಲೂ ವಿಭಾಗಿಸುವ ಮಾತ್ರಗಳ ಅಥವಾ ಅಕ್ಷರಗಳ ಗುಂಪು ಮತ್ತು ಅಂಶಗಳ ಗುಂಪು.
• ಒಂದು ಮಾತ್ರಾಕಾಲದಲ್ಲಿ ಉಚ್ಚಾರ ಮಾಡಲಾಗುವ ಅಕ್ಷರಗಳೆಲ್ಲ - ಲಘುಗಳು.
• ಹ್ರಸ್ವಸ್ವರಗಳು ಮತ್ತು ಹ್ರಸ್ವಸ್ವರಗಳಿಂದ ಕೂಡಿದ ಗುಣಿತಾಕ್ಷರಗಳೆಲ್ಲ - ಲಘುಗಳು.
• ಎರಡು ಮಾತ್ರಗಳ ಕಾಲದಲ್ಲಿ ಉಚ್ಚರಿಸಲ್ಪಟ್ಟ ಅಕ್ಷರಗಳೆಲ್ಲ - ಗುರುಗಳು.
• ಗುರುಗಳಾಗುವ ಅಕ್ಷರಗಳು ಇವು - ದೀರ್ಘಸ್ವರ, ದೀರ್ಘಸ್ವರದಿಂದ ಕೂಡಿದ ಗುಣಿತಾಕ್ಷರಗಳು, ಅನುಸ್ವಾರ ವಿಸರ್ಗಗಳಿಂದ ಕೂಡಿದ ಅಕ್ಷರಗಳು, ಒತ್ತಕ್ಷರದ ಹಿಂದಿನ ಅಕ್ಷರ, ವ್ಯಂಜನಾಕ್ಷರದ ಹಿಂದಿನ ಅಕ್ಷರ, ಷಟ್ಪದಿಗಳಲ್ಲಿ ಬರುವ ಮೂರನೆಯ ಆರನೆಯ ಸಾಲಿನ ಕೊನೆಯಲ್ಲಿರುವ ಅಕ್ಷರಗಳು.
• ಮಾತ್ರಾಗಣಗಳು ಎಂದರೆ - ಮೂರು, ನಾಲ್ಕು, ಐದು ಮಾತ್ರಗಳ ಗುಂಪುಗಳ ಲೆಕ್ಕವಿಟ್ಟುಕೊಂಡು ವಿಭಾಗಿಸುವ ಗಣಗಳು.
• ಪದ್ಯಗಳ ಸಾಲುಗಳ ಅಕ್ಷರಗಳಿಗೆ ಗುರುಲಘುಗಳ ಗುರುತು ಮಾಡುವುದಕ್ಕೆ ಹೀಗೆಂದು ಹೆಸರು - ಪ್ರಸ್ತಾರ.
• ಮಾತ್ರಾಗಣಗಳಿಂದ ಪದ್ಯಜಾತಿಗಳು ಇವಾಗಿವೆ - ಕಂದ, ಷಟ್ಪದಿ, ರಗಳೆ ಇತ್ಯಾದಿ.
• ಕಂದ ಪದ್ಯವೆಂದರೆ - ನಾಲ್ಕು ಸಾಲುಗಳಿಂದ ಕೂಡಿದ ಪದ್ಯ.
• ಕಂದ ಪದ್ಯದಲ್ಲಿ ಒಂದನೆಯ ಮೂರನೆಯ ಸಾಲುಗಳು ಸಮಾನವಾಗಿದ್ದು ಅವು - ನಾಲ್ಕು ಮಾತ್ರೆಯ ಮೂರು ಗಣಗಳಿಂದ ಕೂಡಿರುತ್ತವೆ.
• ಕಂದ ಪದ್ಯದಲ್ಲಿನ ಮೂರನೆಯ ನಾಲ್ಕನೆಯ ಸಾಲುಗಳು ಸಮವಾಗಿದ್ದು ಅವು - ನಾಲ್ಕು ಮಾತ್ರೆಯ ಐದು ಗಣಗಳಿಂದ ಕೂಡಿರುತ್ತವೆ.
• ಷಟ್ಪದಿ ಎಂದರೆ - ಆರು ಸಾಲುಗಳಿಂದ ಕೂಡಿದ ಪದ್ಯ.
• ಷಟ್ಪದಿಯಲ್ಲಿರುವ ವಿಧಗಳ ಸಂಖ್ಯೆ - ಆರು.
• ಷಟ್ಪದಿಯಲ್ಲಿರುವ ಆರು ವಿಧಗಳು - ಶರ, ಕುಸುಮ, ಭೋಗ, ಭಾಮಿನಿ, ಪರಿವರ್ಧಿನಿ, ವಾರ್ಧಕ ಷಟ್ಪದಿಗಳು.
• ಶರ ಷಟ್ಪದಿಯ 1, 2, 4, 5ನೇಯ ಸಾಲುಗಳು ಸಮನಾಗಿದ್ದು ಅವು - ನಾಲ್ಕು ಮಾತ್ರೆಯ ಎರಡು ಗಣಗಳಿಂದ ಕೂಡಿರುತ್ತವೆ.
• ಶರ ಷಟ್ಪದಿಯ 3, 6ನೇಯ ಸಾಲುಗಳು ಸಮನಾಗಿದ್ದು ಅವು - ನಾಲ್ಕು ಮಾತ್ರೆಯ ಮೂರು ಗಣಗಳಿಂದಲೂ, ಮೇಲೊಂದು ಗುರುವಿನಿಂದಲೂ ಕೂಡಿರುತ್ತವೆ.
• ಕುಸುಮ ಷಟ್ಪದಿಯ 1, 2, 4, 5ನೇಯ ಸಾಲುಗಳು ಸಮನಾಗಿದ್ದು ಅವು - ಐದು ಮಾತ್ರೆಯ ಎರಡು ಗಣಗಳಿಂದ ಕೂಡಿರುತ್ತವೆ.
• ಕುಸುಮ ಷಟ್ಪದಿಯ 3, 6ನೇಯ ಸಾಲುಗಳು ಸಮನಾಗಿದ್ದು ಅವು - ಐದು ಮಾತ್ರೆಯ ಮೂರು ಗಣಗಳಿಂದಲೂ, ಮೇಲೊಂದು ಗುರುವಿನಿಂದಲೂ ಕೂಡಿರುತ್ತವೆ.
• ಭೋಗ ಷಟ್ಪದಿಯ 1, 2, 4, 5ನೇಯ ಸಾಲುಗಳು ಸಮನಾಗಿದ್ದು ಅವು - ಮೂರು ಮಾತ್ರೆಯ ನಾಲ್ಕು ಗಣಗಳಿಂದ ಕೂಡಿರುತ್ತವೆ.
• ಭೋಗ ಷಟ್ಪದಿಯ 3, 6ನೇಯ ಸಾಲುಗಳು ಸಮನಾಗಿದ್ದು ಅವು - ಮೂರು ಮಾತ್ರೆಯ ಆರು ಗಣಗಳಿಂದಲೂ, ಮೇಲೊಂದು ಗುರುವಿನಿಂದಲೂ ಕೂಡಿರುತ್ತವೆ.
• ಭಾಮಿನಿ ಷಟ್ಪದಿಯ 1, 2, 4, 5ನೇಯ ಸಾಲುಗಳು ಸಮನಾಗಿದ್ದು ಅವು - ಮೂರು ಮತ್ತು ನಾಲ್ಕು ಮಾತ್ರೆಯ ನಾಲ್ಕು ಗಣಗಳಿಂದ ಕೂಡಿರುತ್ತವೆ.
• ಭಾಮಿನಿ ಷಟ್ಪದಿಯ 3, 6ನೇಯ ಸಾಲುಗಳು ಸಮನಾಗಿದ್ದು ಅವು - ಮೂರು ಮತ್ತು ನಾಲ್ಕು ಮಾತ್ರೆಯ ಆರು ಗಣಗಳಿಂದಲೂ, ಮೇಲೊಂದು ಗುರುವಿನಿಂದಲೂ ಕೂಡಿರುತ್ತವೆ.
• ಪರಿವರ್ಧಿನಿ ಷಟ್ಪದಿಯ 1, 2, 4, 5ನೇಯ ಸಾಲುಗಳು ಸಮನಾಗಿದ್ದು ಅವು - ನಾಲ್ಕು ಮಾತ್ರೆಯ ನಾಲ್ಕು ಗಣಗಳಿಂದ ಕೂಡಿರುತ್ತವೆ.
• ಪರಿವರ್ಧಿನಿ ಷಟ್ಪದಿಯ 3, 6ನೇಯ ಸಾಲುಗಳು ಸಮನಾಗಿದ್ದು ಅವು - ನಾಲ್ಕು ಮಾತ್ರೆಯ ಆರು ಗಣಗಳಿಂದಲೂ, ಮೇಲೊಂದು ಗುರುವಿನಿಂದಲೂ ಕೂಡಿರುತ್ತವೆ.
• ವಾರ್ಧಕ ಷಟ್ಪದಿಯ 1, 2, 4, 5ನೇಯ ಸಾಲುಗಳು ಸಮನಾಗಿದ್ದು ಅವು - ಐದು ಮಾತ್ರೆಯ ನಾಲ್ಕು ಗಣಗಳಿಂದ ಕೂಡಿರುತ್ತವೆ.
• ವಾರ್ಧಕ ಷಟ್ಪದಿಯ 3, 6ನೇಯ ಸಾಲುಗಳು ಸಮನಾಗಿದ್ದು ಅವು - ಐದು ಮಾತ್ರೆಯ ಆರು ಗಣಗಳಿಂದಲೂ, ಮೇಲೊಂದು ಗುರುವಿನಿಂದಲೂ ಕೂಡಿರುತ್ತವೆ.
• ರಗಳೆಯಲ್ಲಿರುವ ಮೂರು ವಿಧಗಳು - ಉತ್ಸಾಹರಗಳೆ, ಮಂದಾನಿಲರಗಳೆ ಮತ್ತು ಲಲಿತರಗಳೆ.
• ಎರಡೇಡು ಸಾಲುಗಳಲ್ಲಿ ಪ್ರಾಸನಿಯಮವಿಟ್ಟುಕೊಂಡು ಮೂರು ಮಾತ್ರೆಯ ನಾಲ್ಕು ಗಣಗಳ ಗಣನಿಯಮದಿಂದ ಸಾಲುಗಳ ನಿಯಮವಿಲ್ಲದೆ ಇರುವ ಪದ್ಯಜಾತಿಯೇ - ಉತ್ಸಾಹರಗಳೆ.
• ನಾಲ್ಕು ಮಾತ್ರೆಯ ನಾಲ್ಕು ಗಣ ಪ್ರತಿಯೊಮ್ಮೆಯೂ ಬಂದು ಎರಡೇಡು ಸಾಲುಗಳಿಗೆ ಪ್ರಾಸನಿಯಮವಿರುವ ಪದ್ಯಜಾತಿಗೇ ಹೀಗೆನ್ನುವರು - ಮಂದಾನಿಲರಗಳೆ.
• ಸಾಲುಗಳು ಇಂತಿಷ್ಟೇ ಇರಬೇಕೆಂಬ ನಿಯಮವಿಲ್ಲದೆ, ಪ್ರತಿಯೊಂದು ಪಾದದಲ್ಲೂ ಐದು ಮಾತ್ರೆಯ ನಾಲ್ಕು ಗಣಗಳನ್ನಿಟ್ಟು ಎರಡೇಡು ಸಾಲುಗಳಲ್ಲಿ ಪ್ರಾಸನಿಯಮವನ್ನು ಮುಖ್ಯವಾಗಿ ಆದಿಯಲ್ಲಿ ಪಾಲಿಸಿಕೊಂಡು ಬರೆಯಲ್ಪಟ್ಟ ಪದ್ಯಗಳೇ - ಲಲಿತರಗಳೆ.
• ಅಕ್ಷರಗಣಗಳು ಎಂದರೆ - ಮೂರು ಮೂರು ಅಕ್ಷರಗಳ ಗುಂಪುಗಳನ್ನು ಒಂದೊಂದು ಗಣವೆಂದು ತಿಳಿಯುವ ಗಣಗಳು.
• ಮೂರು ಮೂರು ಅಕ್ಷರಗಳ ಲೆಕ್ಕದಿಂದ ಗಣಗಳನ್ನು ವಿಂಗಡಿಸುವುದು ಈ ಛಂದಸ್ಸುಗಳಲ್ಲಿ ಮಾತ್ರ - ವೃತ್ತಜಾತಿಯ ಛಂದಸ್ಸು.
• ಅಕ್ಷರಗಣಗಳಲ್ಲಿರುವ ವಿಧಗಳ ಸಂಖ್ಯೆ - ಎಂಟು.
• ಮೂರು ಗುರು ಬರುವ ಮೂರಕ್ಷರದ ಗಣವೇ - ಮಗಣ.
• ಮೂರು ಲಘು ಬರುವ ಮೂರಕ್ಷರದ ಗಣವೇ - ನಗಣ.
• ಗುರು ಮೊದಲು ಬಂದು ಎರಡು ಲಘು ಬರುವ ಗಣವೇ - ಭಗಣ.
• ಲಘು ಮೊದಲು ಬಂದು ಎರಡು ಗುರು ಬರುವ ಗಣವೇ - ಯಗಣ.
• ಗುರು ನಡುವೆ ಬರುವ ಗಣವೇ - ಜಗಣ.
• ಲಘು ನಡುವೆ ಬರುವ ಗಣವೇ - ರಗಣ.
• ಗುರು ಕೊನೆಯಲ್ಲಿ ಬರುವ ಗಣವೇ - ಸಗಣ.
• ಲಘು ಕೊನೆಯಲ್ಲಿ ಬರುವ ಗಣವೇ - ತಗಣ.
• ಎಂಟು ಅಕ್ಷರಗಣಗಳನ್ನು ನೆನಪಿಡಲು ಈ ಸೂತ್ರವನ್ನು ಬಳಸುತ್ತಾರೆ - ಯಮಾತಾರಾಜಭಾನಸಲಗಂ.
• ಪ್ರತಿ ಸಾಲಿನಲ್ಲೂ ಭ, ರ, ನ, ಭ, ಭ, ರ ಗಣಗಳೂ, ಮೇಲೆ ಒಂದು ಲಘು ಮತ್ತು ಒಂದು ಗುರು ಬರುವ ವೃತ್ತವೇ - ಉತ್ಪಲಮಾಲಾವೃತ್ತ.
• ಉತ್ಪಲಮಾಲಾವೃತ್ತವನ್ನು ನೆನಪಿಡಲು ಬಳಸುವ ಸೂತ್ರ - ಉತ್ಪಲಮಾಲೆಯುವುದು ಭರಂ ನಭಭ ರಲಗಂ ನೆಗಳಿರ್ಲ್.
• ಪ್ರತಿ ಸಾಲಿನಲ್ಲೂ ನ, ಜ, ಭ, ಜ, ಜ, ಜ, ರ ಎಂಬ ಏಳು ಗಣಗಳಿರುವ ವೃತ್ತವೇ - ಚಂಪಕಮಾಲಾವೃತ್ತ.
• ಚಂಪಕಮಾಲಾವೃತ್ತವನ್ನು ನೆನಪಿಡಲು ಬಳಸುವ ಸೂತ್ರ - ನಜಭಜಜಂಜರಂ ಬಗೆಗೊಳ್ವುದಿರೆ ಚಂಪಕಮಾಲೆಯೆಂದಪರ್.
• ಪ್ರತಿಯೊಂದು ಪಾದದಲ್ಲೂ ಮ, ಸ, ಜ, ಸ, ತ, ತ ಎಂಬ ಆರು ಗಣಗಳೂ, ಮೇಲೆ ಒಂದು ಗುರುವೂ ಇರುವ ವೃತ್ತವೇ - ಶಾರ್ದೂಲವಿಕ್ರೀಡಿತವೃತ್ತ.
• ಶಾರ್ದೂಲವಿಕ್ರೀಡಿತವೃತ್ತವನ್ನು ನೆನಪಿಡಲು ಬಳಸುವ ಸೂತ್ರ - ಕಣ್ಕಪ್ಪಲ್ ಮಸಜಂಸತತಂಗಮುಮಾ ಶಾರ್ದೂಲವಿಕ್ರೀಡಿತಂ.
• ಪ್ರತಿ ಸಾಲಿನಲ್ಲಿಯೂ ಸ, ಭ, ರ, ನ, ಮ, ಯ ಗಣಗಳಿಂದಲೂ, ಮೇಲೊಂದು ಲಘು ಮತ್ತು ಒಂದು ಗುರುವಿನಿಂದಲೂ ಕೂಡಿದ ಪದ್ಯಜಾತಿಯೇ - ಮತ್ತೇಭವಿಕ್ರೀಡಿತವೃತ್ತ.
• ಮತ್ತೇಭವಿಕ್ರೀಡಿತವೃತ್ತದ ಲಕ್ಷಣಗಳನ್ನು ತಿಳಿಸುವ ಸೂತ್ರ - ಸಭರನಂದಯಲಂಗಮುಂ ಬಗೆಗೊಳ್ ಮತ್ತೇಭವಿಕ್ರೀಡಿತಂ.
• ಪ್ರತಿಯೊಂದು ಪಾದದಲ್ಲೂ ಮ, ರ, ಭ, ನ, ಯ, ಯ, ಯ ಗಣಗಳಿರುವ ವೃತ್ತವೇ - ಸ್ರಗ್ಧರಾವೃತ್ತ.
• ಸ್ರಗ್ಧರಾವೃತ್ತದ ಸೂತ್ರ - ತೋರೇಲ್ ಮರಭನಮಯಯಗಣಮುದೆ ತಾಂ ಸ್ರಗ್ಧರಾವೃತ್ತಮುಂ.
• ಪ್ರತಿ ಸಾಲಿನಲ್ಲಿಯೂ ಸ, ತ, ತ, ನ, ಸ, ರ, ರ ಗಣಗಳಿಂದಲೂ, ಮೇಲೊಂದು ಗುರುವಿನಿಂದಲೂ ಕೂಡಿದ ವೃತ್ತವೇ - ಮಹಾಸ್ರಗ್ಧರಾವೃತ್ತ.
• ಮಹಾಸ್ರಗ್ಧರಾವೃತ್ತದ ಸೂತ್ರ - ಸತತಂ ನಂ ಸಂ ರರಂಗಂ ನೆರೆದೆಸೆಯೆ ಮಹಾಸ್ರಗ್ಧರಾವೃತ್ತಮುಂ.
• ಅಂಶಗಣಗಳು ಈ ರೀತಿಯ ಛಂದಸ್ಸುಗಳಲ್ಲಿ ಬಳಸಲ್ಪಡುತ್ತವೆ - ತ್ರಿಪದಿ, ಸಾಂಗತ್ಯ, ಅಕ್ಕರ ಇತ್ಯಾದಿ.